NG Kerk Upington (Moedergemeente)

Dit was die eerste gemeente te Upington en is gestig op 19 September 1893.

Eerwaarde Schröder, was ‘n sendeling ,wat werksaam was onder die Korannas, wat vanaf Amandelboom(Williston), deTuin asook Schietfontein(Carnavon) hierheen verhuis het.

Hy het die Ringskommissie, van die Ring van Beauford-wes, die gemeente van Upington help stig. Die Upington nedersetting en gemeente, was buite die grense van die Kaapkolonie en enige ander bestaande gemeente in Korannaland (Later bekend as Brits- Betsjoeanaland) geleë;dus is die Upington gemeente nie van ‘n ander gemeente afgestig nie en kon ook nie in die eerste paar jaar by ‘n ring ingelyf word nie. Gevolglik sou Upington se leraar, net ‘n ereplek op die Ring van Beaufort-wes, se sittings kon innneem. Die eerste lidmate van die gemeente Upington was pioniers, net soos die inwoners van Transvaal en die Vrystaat, waar ook van tyd tot tyd, sulke selfstandige gemeentes gestig is.

In November 1895 is die distrik Gordonia saam, met Brits-Betsjoeanaland aan die Kaapkolonie geanekseer , eers daarna is Upington gemeente as lid van die Ring van Beaufort-Wes verklaar. Daarna is Upington se eerste NG predikant,Ds AGT Schoevers, hier in sy eerste gemeente bevestig.

Op 8 November 1916 het Upington hul eerste dogter gemeente afgestaan, met die afstigting van Keimoes gemeente.

Ds PAC Weidemann, is op 25 September 1926, in die Upington gemeente bevestig . Hoogtepunte van Ds Weidemann is die afstigting van die NG Kerk Grootrivier (Louisvale) Die oprigting van die skoolkoshuis Askham 1927, Askham Kerksaal 1939, Kerksaal Witkop(Springbokvlei) 1940 asook Kerksaal Kalksluit 1941.

Onder leiding van Ds CJ Bekker asook EC Gouws word NG Kerk Upington -oos, wat eerste dorpsgemeente, is afgestig.

Die stigtingsdatum van die nuwe gemeente was 14 November 1952. ʼn Bruidskat van £7000 is aan die Upington-Oos gemeente betaal. Ds CJ Bekker, van Upington is die konsulent in die tyd na afstigting , wat toesien dat stigting ordelik verloop.Op 3 Junie 1953 word die eerste predikant nl Ds HC Brunette verkies tot die nuwe gemeente.

Die finale planne vir die bou van ʼn tweeledige Kerksaal word goedgekeur en tender van £4997 word aan Roux en Nel bouers toegeken.ʼn Kerksaal in Keidebees word intussen gebruik vir Kerkdienste. Op 21 November 1953 word die hoeksteen deur die nuwe Predikant, Ds HG Brunette gelê.

Intussen is besluit, op vergadering gehou 21 Jan 1953, om die huis van Mej Gertruida Helena Christina Strauss vir ʼnbedrag van £3900 te koop as pastorie vir die nuwe predikant. Die eiendom is geleëop erf Nr 1252.

---

Gemeente Samestelling

---

Alle Predikante van NG Kerk Upington-oos